Son Paylaşım

Banklar biznes planı dəyərləndirərkən nələrə diqqət etməlidirlər


İlk öncə qeyd etmək istərdim ki, Azərbaycanda son zamanlar biznesinlərin inkişafı özünü hər tərəfli göstərməkdədir. Elə bunun ən bariz nümunəsi kimi bankların sahibkarlara kredit vermə marağının artmasını da göstərə bilərik.
İstər bank ekspertlərin istərsə də sahibkarların biznes krediti cəlb edərkən diqqət etməsi lazım olan vacib məqamlar var. Bu məqamlar ona görədir ki, sahibkarlar rahatlıqla kredit cəlb edə bilsinlər, bank ekspertləri isə biznes kreditini düzgün ünvana verdiklərini tam aydınlaşdırsınlar. Belə olan halda risklər hər iki tərəf üçün minimumlaşacaqdır.

Banklar biznes planı dəyərləndirərkən nələrə diqqət etməlidirlər


Bank ekspertləri əsasən biznes planı analiz edərkən bütün istiqamətlərdə nə qədər dəqiq və vacib yazıldığına baxmalıdırlar. Bəzən biznes planlar görürəm sadecə ideya və maliyyə hissəsindən ibarətdir və bəzi banklar bu bizneslərə təsdiq verirlər. Bu yol verilməzdir. Və biznes kreditini risk altına atır.
İlk öncə mütləq formada biznesin və yaxud ideyanın əsaslarına baxmaq və potensialını analiz etmək lazımdır. Çünki ən vacib amillərdən biri budur. İdeya və biznes nə qədər formalaşmış bazardadır? Biznesin üstün və fərqli faydaları nələrdir?
Bazar analizinin nə qədər dolğun aparıldığına baxmaq lazımdır. Rəqiblər, müştərilərin fikirləri, bazarın həcmi və s.
Marketinq, satış və biznesin inkişafı planları olmalıdır bu biznes planın tərkibində. Heç biri əsassız olmamalıdır. Detallarla işlənilməli və həqiqətən də həqiqi fəaliyyətlər olmalıdır.
Maliyyə planları olmalıdır. İnvestisiyanın geri dönüşü, Mənfəət zərər hesbatı, EBIT, EBITA, PV və MPV dəyərləri hər biri biznes planda öz əksini tapmalıdır. Çox yaxşı olar ki, maliyyə planında təxminlər 1 istiqamətli olmasın. Minimum 3 təxmin olsun. Yəni minimum təxminlər də nəzərə alınsın. Deyək ki müəyyən bank krediti cəlb edərək öz işimizə yatırım edəcəyik. Belə olan halda bazardan nə qədər pay əldə edəcəyimizi 3 təxmin üzərindən verməyimiz çox faydalı olacaqdır.
Riskləri görmək və onların sahibkar tərəfindən necə aradan qaldırılacağı yolları analiz etmək çox vacib amillərdəndir. Risklərin idarə olunması zamanı sahibkarın atacağı addımlar və s. detallar əslində sahibkarın bu biznesə nə qədər ciddi yanaşdığını göstərən əsas amillərdəndir.

About Cavid Abasov

Cavid Abasov
Cavid Abasov Bakalavr olaraq Azerbaycan Dövlət İqtisad Universitetinin Türk Dünyasının İşlətmələr Fakültəsinin Biznesin İdarəsi ixtisasını bitirmişdir. Magistr təhsilini Türkiyənin Kocaəli şəhərində Kocaəli Universitetində İstehsalın İdarəsi və Marketinq ixtisasında davam etdirməkdədir. Çalışdığı şirkətlər: Əmlak.az - Marketing manager, BHB - Marketing and sales manager, Biznesmen.az - Partner and Project Manager, Auto Azerbaijan - Marketing manager.
Məsləhət Görülən Yazılar × +
Blogger
Disqus
Rəy bildirmək üçün seçin!

Hiç yorum yok