Son Paylaşım

3 ayda gördüyüm 3 eyni problem - İşi özünküləşdirməmə problemi

Bir neçə ay bundan əvvəl tədbir keçirirdik və tədbirin hardasa 30 nəfərlik bir heyyəti var idi. Günorta yeməyi üçün yemək sifarişi vermək adına zəng etdim fast food satışı ilə məşğul olan catering şirkətlərdən birinə. Təəssüf olsun ki, abunəmin bitdiyini və dəqiqəmin isə az qaldığını bilmirdim. 30 nəfərlik təxmini adam başı 10 AZN-lik bir sifarişi verdim və ünvanı söyləyəcəkdim ki, dəqiqə qurtardı. Lakin təəssüf olsun ki qarşı tərəfdən bir zəng belə gəlmədi ki, bəy sizin ünvan hara oldu? Sifarişi hara göndərək?



Eyni qayda ilə evə su sifarişi etmək istəyirdim yenə dəqiqəm bitdi və təəssüf olsun ki, yenə də telefonun digər tərəfində olan xanım əməkdaş mənə geri dönmədi.

Uşaq üçün paltar almağa getmişdik və dünya markası olan bir mağazada satıcı elə istəksiz danışırdıki, fikrində olduğumuz bir məhsulu almamaq qərarına gəldik.

Əslində hər kəs bunu hər ay dəfələrlə yaşayır. Taksilərdəki operatorlarda, mağazalarda, məlumat mərkəzinə malik şirkətlərdə, restoranlarda və müştəri ilə şirkət nümayəndəsinin qarşılaşdığı bütün yerlərdə belə hallarla çox qarşılaşırıq. Rəqabətin bu qədər qəlizləşdiyi və bir müştərinin belə əhəmiyyətli olduğu bir zamanda şirkət nümayəndələrinin işi sahibkar, idarəedici kimi mənimsəməməsinin şirkətə vurduğu ziyanlar çox böyükdür.

Dostumuz öz satış menecerlərinin məhsulları yaxşı tanımamaları, özlərini inkişaf etdirməmələri , satışların əvvəlki kimi olmaması ilə əlaqədar şikayət edir. Əgər zatən bunlar yoxdursa bəs şirkət necə inkişaf edəcək? Şirkəti ayaqda saxlayan satış nümayəndələri deyillərmi?

Majlis business network Vol 3. tədbirində sahibkarlara belə bir sual verilmişdi?  İşçilərinizdə ən çox olmasını istədiyiniz xüsusiyyət nədir? Çox şəxs buna aşağı yuxarı belə cavab verdi. Şirkət əməkdaşlarının işi mənim kimi mənimsəməsi. Öz şirkəti kimi davranması və məhsulu satmaq istəyərkən məhsulu, şirkəti özünküləşdirməsi.

Bu problemi aradan qaldırmaq üçün sahibkar ciddi səylər etməli və şirkətin dəyərlər sistemini formalaşdırmalıdır. Bunun üçün isə şirkətdə mütləq formada aşağıdakı punktlar olmalıdır.

1. İşçi inkişaf qrafikası,
2. Performansın ölçülməsi və dəyərləndirilməsi,
3. KPI-ların qoyulması və bonus sistemi,
4. Şirkət dəyərlərinin işçi ilə bölüşdürülməsi,
5. İşçiyə qayğı,
6. Davamlı sistemin daha da yaxşılaşması üçün qərarlar,
7. Şirkətin strateji qərarlarının daxilində "Satış sisteminin inkişafı"  punktunun aparcı punkt kimi olması.

Müştəri həssasdır, müştəri tez qərar dəyişəndir və müştəri ona qarşı olan laqeydsizliyə tez və sərt reaksiya verəndir. Ona görə müştərilərimizi yaxşı tanımalı və şirkət əməkdaşlarımıza da məhsulu, işi vəya şirkəti özünküləşdirə bilmələri üçün zəmin yaratmalıyıq!

About Cavid Abasov

Cavid Abasov
Cavid Abasov Bakalavr olaraq Azerbaycan Dövlət İqtisad Universitetinin Türk Dünyasının İşlətmələr Fakültəsinin Biznesin İdarəsi ixtisasını bitirmişdir. Magistr təhsilini Türkiyənin Kocaəli şəhərində Kocaəli Universitetində İstehsalın İdarəsi və Marketinq ixtisasında davam etdirməkdədir. Çalışdığı şirkətlər: Əmlak.az - Marketing manager, BHB - Marketing and sales manager, Biznesmen.az - Partner and Project Manager, Auto Azerbaijan - Marketing manager.
Məsləhət Görülən Yazılar × +
Blogger
Disqus
Rəy bildirmək üçün seçin!

Hiç yorum yok