Başımı
qaldırıb sağ tərəfimdə olan saata baxıram hal hazırda! Saatın saniyələri bizi
qovar kimi gedir. Hər saniyə getdikcə bir “tıqqıltı” səsi gəlir. Bu tıqqıltı səsi
onu izah etməyə çalışır ki, biz bir də geri qayıtmayacağıq. Fikrimi tam ifadə edə
bilirəm mi? O saniyə bir də geri qayıtmayacaq! Zaman həqiqətən çox sürətlə
gedir. Biz isə bizə verilmiş bu qısa zamanda görməli, etməli olduğumuz işləri
sabah edərik deyərək bir kənara qoyuruq. Zaman keçir sabahlar bir birini əvəz
edir və nəticə etibari ilə nə biz onu edirik və yaxud ediriksə də gec etdiyimiz
üçün onun bizə bir faydası olmur.
Mənim
300-ə yaxın bloq yazım var. Mən bloqa başlayanda bir dostum dediki sən başla mən
də qısa zamanda başlayacağam. Üzərindən 3 il keçib, o hələ də başlamayıb. Ancaq
o günlərdə mənə deyir ki o vaxt başlasaydım indi “filan şey” olmuşdu. Bir müddət
bundan əvvəl Biznesmen.az layihəsini başladıq. Artıq bir neçə çəkilişlər
etmişik. 2 verlişi yayımlamışıq. Növbəti verliş qısa zamanda yayımlanacaq.
Saytımıza günlük gözlədiyimizdən də çox daxil olanlar var. 13.000-ə yaxın
Facebook səhifəsi bəyənəni var. Sürətlə artmaqdadır. Yaxında radio verlişi
başlamaq istəyirik. Ancaq biz bunu başlamasaydıq bunların heç biri olmayacaqdı.
Əlbəttə hal hazırda bu proyekti necə daha sürətləndirə bilərik, effektivliyini
necə artıra bilərik sualının üzərində işləyirik. Bu heç də pis alınmır.
Yeni
bir layihə var. Bunun üzərind düşünürük ki, heç bir vaxt itirmədən başlayaq. Bu
layihəni indi başlasaq 1 ildən sonra müəyyən həddə çatdıracağıq, başlamasaq 1
ildən sonra baxıb deyəcəyik ki, kaş başlayardıq. Kaş sözünü deməmək üçün bunu
mütləq başlayacağıq və yaxin günlərdə bunun ilə bağlı sizin ilə həm bloqumda həm
sosial mediada paylaşım edəcəyəm.
Şəxsi
karyeramla bağlı 10-larla yeniliklər üzərində eyni zamanda işləyirəm. Bu özünü əminəm
ki, qısa zamanda şəxsi karyeramın inkişafında göstərəcəkdir.
Mən
bilirəm ki mən də çox kaşlar deyirəm və bəzi şeylərə gecikdiyimi bilirəm. Deməyim
əslində nədir.
Kaş
sözünü işlətməmək üçün, saniyələrin boşu boşuna “tıqqıldamaması” üçün indi
başlayın. Bunu edə bilərəm yox bunu artıq başlamışam və edirəm deyin! Əgər bir
problem varsa problemin həll yolu mütləq vardır.
Oxuduğunuz
üçün sizə təşəkkür edirəm!
About Cavid Abasov
