Rənglər, kinolarda, reklamlarda, kliplərdə, jurnallarda, qazetlərdə, billboardlarda, buklet və s. insanlara xitab edən vasitələrdə həm şüuri həmdə şüuraltı məqsədlər üçün istifadə olunur.
""" Marketingdə Rənglər Danışır 1-ci Hissə """ yazısında bəzi nüanslar yarımçıq qaldığı üçün yazının davamını 2-ci hissəyə saxladım. Bu yazıda əsasən marketinqdə rənglərin rolundan və reklamlarda və digər təşviq etmə metodlarında hansı rənglərin daha effektiv olduğundan söz açacağam. Marketoloqların əsasən məqsədi müştərilərin, istehlakçıların fikirlərini məhsula yönəltmək onda məhsulu alması üçün arzu yaratmaqdır. Biz bunu hiss etməsəkdə bəzən məhsulu alarkən onun üzərində olan etiket, və yaxud qutusunun rəngindən təsirlənirik.
Deməli 1979-cu ildə ildə rənglərin gözlə təmasını ölçmək üçün "takistoskop cihazı" ilə bir araşdırma edilmişdir. Müxtəlif rənglər cihaz içərisidə 1/3000 saniyə içərisində yerləşdirilmişdir. Yəni rənglər 1 saniyədə öz aralarında 3000 dəfə dəyişməkdədirlər. 1000-lərlə insan cihaza baxdıqdan sonra hansı rəngin daha çox gözlə təmasda olduğu faizlərlə aşağdaki kimidir.- Narıncı 21.4 %
- Qırmızı 18.6 %
- Göy-mavi 17.0 %
- Qara. 13.4 %
- Yaşıl. 12.6 %
- Sarı. 11.5 %
- Bənövşəyi. 5.0 %
- Boz. 0.5 %
Məlumata baxsaq narıncı və qırmızı kimi rənglər daha effektivdir və bu özünü markalardada göstərməkdədir. Markalarda əsasəndə qırmızı rəngdən çox istifadə olunur.
Qırmızı rəng: aktiv və dinamikliyi ilə sevginin, istəyin, ehtirasın, təhlükənin, diqqətin həyatın rəngidir. Özünü şüuraltına güclə yerləşdirməyi bacarır. Bu rəngin şüuraltında yaratdığı vacib duyğular insanları həyəcanlanmağa və tez bir zamanda hərəkətə keçməyə məcbur edir. Coca-cola, McDonald's kimi nəhənglər bu rəngdən necə lazımdır istifadə etmişlər. Ferrari bu rəngə çox önəm verməkdədir. Pərakəndə sektorunda məhsulunun paketləmə və vitrində digər məhsullara nisbətən daha gözə batan olmasını istəyən şirkətlər bu rəngdən çox istifadə edirlər.
Qara rəng: Bu rəng daha çox ölüm, qorxu və pisliklərin rəngidir. Ama bir qəribəsi ondadırki bu rəng həmdə prestij, lüks və yüksək məqamın nişanəsidir. Mersedes, BMW və bir çox avtomobil şirkətləri ilk yeni növ maşınlarını bazara çıxartdıqlarında bu rəngdən istifadə edirlər. Magnum dondurmaları reklamlarında bu rəngdən çox istifadə etməkdədir.
Göy-Mavi: İnsanları sakitləşdirici bir rəngdir. Bir şeylər yemək istəyini azaltmaqdadır. Ona görədə çox şirkətlər məhsullarını qablaşdırarkən bu rəngə üstünlük vermirlər. Daha çox istirahət zonalarında və insanları inam vermək üçün istifadə olunmaqdadır.
Çəhrayı: Daha çox mühiti yumuşaldmaq üçün istifadə olunan rəngdir. Gözlə təmasda beyinə sakitləşdirici siqnallar ötürməkdədir. Buna baxmayaraq düşünürəm çox az istifadə olunur, ama istifadə olunduğu zaman tutarlı olur.
Sarı: Müddətlik və diqqəti özünə cəzb edə bilən rəngdir. 1-ci hissədə yazdığım kimi taksilər və rent a car şirkətlər müddətlik olduğu üçün bu rəngdən istifadə edirlər.
Məsləhət gördüyüm digər yazılarım:
About Cavid Abasov
